Toshkentda yangi BRT yo‘lagi quriladi

Toshkent shahrida jamoat transporti harakatini yanada samarali tashkil etish maqsadida Shota Rustaveli ko‘chasi bo‘ylab tezkor avtobus yo‘lagini (BRT – Bus Rapid Transit) qurish rejalashtirilmoqda. Mazkur yo‘lak yo‘lning chetki qismida emas, balki uning o‘rtasidan o‘tadi. Bu esa ilgarigi tramvay izlarini eslatadi.

Avtobus yo‘lagi qurilishi yo‘lovchilar uchun qulay va xavfsiz shart-sharoitlarni yaratishni ko‘zda tutadi. Bekatlar shunday loyihalashtiriladiki, odamlar avtobuslarga xavfsiz va oson tushib-chiqa oladilar.