Toshkentda yana bir yo‘l 1 oyga yopiladi

2025 yil 9 iyuldan 8 avgust kuniga qadar Yangi O‘zbekiston yo‘lining (Toshkent viloyatidan harakatlanib kelishda) "Yangi O‘zbekiston" bog‘iga tutash qismidan avtoulovlar harakati to‘xtatiladi. Bu haqda Mirzo Ulug‘bek tuman hokimligi axborot xizmati xabar berdi.

Bunga sabab sifatida Yangi O‘zbekiston ko‘chasining "Yangi O‘zbekiston" bog‘i manzilida yer osti yo‘l o‘tkazgichi bo‘yicha qurilish ta’mirlash ishlari olib borilayotgani ekani ta’kidlangan.

Avtoulovlar harakati "Yangi O‘zbekiston" bog‘i chegara hududidagi yo‘l orqali "Milliy bog‘" ko‘chasiga yo‘naltirilishi ma’lum qilindi.