3 mart kuni soat 22.45 da Mirobod tumani Istiqbol va YA. G‘ulomov ko‘chalari kesishmasi yo‘l qismida drift qilayotgan BMW rusumli (davlat raqami 01 797 QGA) avtomobil Toshkent shahar IIBB xodimlari nazariga tushdi. Ushbu avtomobil yo‘l harakati xavfsizligiga tahdid solib, yo‘ldagi boshqa transport vositalarining harakatlanishlariga xalal berardi.
Haydovchi – 29 yoshli Sanjarbek K.ga nisbatan O‘zbekiston Respublikasi Ma’muriy javobgarlik to‘g‘risidagi kodeksning 128-5 moddasiga binoan bayonnoma rasmiylashtirildi. Shu bilan birga haydovchi bilan profilaktik suhbat o‘tkazildi.
