Toshkentda o‘zining shar’iy nikohidagi ayolining sobiq turmush o‘rtog‘ini o‘ldirgan erkakka hukm oqildi. Bu haqda «Millar» teleko‘rsatuvida xabar berildi.
Aniqlanishicha, fuqarolar o‘zaro mojaroni hal qilish uchun Bektemir tumanidagi «Compass» savdo markazi yaqinida uchrashishga kelishib olgan. Ammo, uchrashuv vaqtida ular o‘rtasida janjal kelib chiqgan.
Tergov ma’lumotlariga ko‘ra, ayblanuvchi fuqaroga o‘tkir buyum bilan 24 marotaba tan jarohati yetkazgan. Natijada yigit voqea joyida vafot etgan.
Jinoyat ishlari bo‘yicha Bektemir tuman sudi erkakni Jinoyat kodeksining 97-moddasi 2-qismi (qasddan odam o‘ldirish) «j, l» bandlari bilan aybdor deb topdi. U 17 yillik qamoq jazosiga hukm qilindi.