Bugun, 7 oktyabr kuni Toshkent Xalqaro aeroportiga Dubay-Toshkent aviareysida uchib kelgan ayolning sog‘lig‘i yomonlashgani va uni shifoxonaga olib ketilgani aytilgan xabar ijtimoiy tarmoqlarga sizdirildi. Ushbu holat yuzasidan Bosh prokuratura matbuot xizmati rahbari Hayot Shamsutdinov ma’lumot berdi.
Aniqlanishicha, Dubay-Toshkent aviareysida uchib kelgan fuqaro X.S.ning (ayol) sog‘ligi yomonlashganligi sababli tez tibbiy yordam xodimlari tomonidan soat 18:55 atrofida Chilonzor tumanida joylashgan RSHTYOIMga olib kelingan.
RSHTYOIMning shok-zalida shifokorlar tomonidan olib borilgan shoshilinch tibbiy reanimasion muolajalarga qaramasdan soat 18:55da bemor X.S.da biologik o‘lim holati qayd etilgan va bu haqida RSHTYOIM tomonidan 44-sonli biologik o‘lim holatini qayd etish dalolatnomasi rasmiylashtirilgan.
Voqea joyiga Toshkent shahar prokuraturasi tezkor-navbatchilik brigadasi xodimlari chiqishgan. Fuqaro X.S.ning o‘limi sababini aniqlash maqsadida sudga oid tibbiy ekspertiza tayinlangan.
Hozirda, Chilonzor tuman prokuraturasi tomonidan tergovga qadar tekshiruv harakatlari olib borilmoqda.
Eron zarbasidan keyin Isroil havo kuchlari bazasining sun’iy yo‘ldosh tasvirlari e’lon qilindi
O‘zbekistonga nam va salqin havo oqimi kirib keladi
Ukrainaga «Barcha bombalarning otasi» tashlandi
