2024 yil dekabr oyida Toshkent viloyati Bekobod tumanida foydalanishga topshirilgan yangi maktabgacha ta’lim tashkiloti binosi bo‘yicha prokuratura tomonidan qurilishga oid tekshiruv ishlari olib borilganda, 176 mln so‘mlik kamomad aniqlanadi va qurilishni amalga oshirgan MCHJ mansabdor shaxslariga nisbatan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, hujjatli taftishi tayinlanadi.
Bundan boxabar bo‘lgan, Toshkent viloyati hokimligi "Yagona buyurtmachi xizmati" davlat muassasasi bosh yuriskonsulti o‘zining mansabdor tanishlari orqali taftish tekshiruvi natijalarini ijobiy hal qilib berish evaziga MCHJ rahbaridan 8400 AQSh dollari talab qiladi.
Davlat xavfsizlik xizmati Toshkent viloyati bo‘yicha boshqarmasi xodimlari tomonidan o‘tkazilgan tezkor tadbirda bosh yuriskonsult kelishilgan pul mablag‘ini olgan vaqtda ushlandi.
Unga nisbatan Jinoyat kodeksining 168-moddasi 3-qismi "v" bandi va 28, 211-moddasi 1-qismi bilan jinoyat ishi qo‘zg‘atilib, "qamoq" ehtiyot chorasi qo‘llanildi. Tergov harakatlari olib borilmoqda.
"Arablar Habibni pulga ko‘mib tashlashdi..."
Kusherbayev qarordan norozi: "Mana bu haqiqiy nomardlik"
“Real Madrid” stadioni nomi o‘zgardi (foto)
