Toshkent viloyatida kaltaklangan ayol vafot etdi

Toshkent viloyatida kaltaklangan ayol vafot etdi. Bu haqda viloyat IIBB xabar berdi.

Oqqo‘rg‘on tumanida turmush o‘rtog‘ini kaltaklagan 37 yoshli erkak IIO tomonidan prosessual tartibda ushlangan, holat yuzasidan jinoyat ishi qo‘zg‘atilgani va ayol tibbiy muolaja olayotgani haqida xabar berilgan edi.

Afsuski, 23 yoshli ayol ko‘rsatilgan tibbiy muolajalarga qaramay bugun shifoxonada vafot etdi.

Shuningdek, mazkur holat jabrlanuvchining o‘limiga olib kelgani sababli qo‘zg‘atilgan jinoyat ishi O‘zbekiston Respublikasi JKning 126(1)-moddasi 8-qismimi “g” bandiga qayta malakalanib, tergov harakatlari davom etmoqda.