Toshkent shahrining ayrim hududlarida gaz ta’minoti vaqtincha to‘xtatildi

Toshkent shahar Yashnobod tumani Sodiq Azimov ko‘chasidagi gaz quvuriga ekskavator tomonidan shikast yetkazilgan.

Oqibatda quyidagi hududlarda gaz ta’minoti vaqtincha to‘xtatildi:

• Mirobod tumani: Nukus ko‘chasi 16 ta ko‘p qavatli uylardagi 300 ta xonadon; Kichik halqa yo‘lida 8 ta ko‘p qavatli uylardagi 120 ta xonadon; Yahyo G‘ulomov ko‘chasida 2 ta ko‘p qavatli uylardagi 110 ta xonadon;
• Mirzo Ulug‘bek tumani: S-1 2 ta ko‘p qavatli uylardagi 100 ta xonadon, 2 ta ulgurji iste’molchi;
• Yashnobod tumani: 34 ta ko‘p qavatli uylardagi 1116 ta xonadon; 150 ta yerli xonadon, 65 ta ulgurji iste’molchi;
• Yunusobod tumani: S-4 40 ta ko‘p qavatli uylardagi 1600 ta xonadon; Kablukov ko‘chasida 3 ta ko‘p qavatli uylardagi 200 ta xonadon.

Ayni vaqtda «Hududgaz Poytaxt» GTFning avariya brigadasi tomonidan ta’mirlash ishlari olib borilmoqda. Ta’mirlash ishlari yakunlangandan keyin iste’molchilarni ogohlantirgan holda tabiiy gaz ta’minoti qayta tiklanadi.