Tez orada rasman «Manchester Siti» futbolchisiga aylanadigan Abduqodir Husanovning debyuti qaysi jamoalarga qarshi o‘yinda amalga oshishi ma’lum.
O‘zbekistonlik futbolchi dam olish kunlarida «shaharliklar» safida tibbiy ko‘rikdan o‘tishi kutilayotgani haqida ingliz OAVlari xabar berdi. Insayder Fabrisio Romano esa, manchesterliklar bosh murabbiyi Pep Gvardiola Husanovning tezroq jamoa mashg‘ulotlariga qo‘shilishini istayotganini ma’lum qildi. Angliya chempionining himoyadagi muammolaridan kelib chiqilsa, Abduqodir Husanovning «Man Siti» safida Premyer-ligada debyut qilishini uzoq kutmaymiz.
«Manchester Siti» bugun, 11 yanvar kuni Angliya kubogi doirasida «Solford Siti»ga qarshi maydonga tushadi va bu bahsda Husanovning o‘ynamasligi aniq. Manchester klubi transfer haqida dushanba kunigacha rasman e’lon qilgan taqdirda, Husanov «Siti»ning APL doirasidagi 14 yanvar, seshanba oqshomida «Brentford»ga qarshi safardagi o‘yinida yoki 19 yanvar kuni «Ipsvich Taun»ga qarshi safardagi bahsda debyutini o‘tkazishi mumkin bo‘ladi.
Chempionlar ligasida esa «shaharliklar» libosida debyutini 22 yanvar kuni Parijda «PSJ»ga qarshi o‘tkazishi mumkin. 25 yanvarda esa «Siti»ni APL doirasida «Chelsi»ga qarshi o‘yin kutib turibdi.
«Man Siti»ning navbatdagi o‘yinlari taqvimi:
14 yanvar. APL. Brentford – Man Siti
19 yanvar. APL. Ipsvich – Man Siti
22 yanvar. YECHL. PSJ – Man Siti
25 yanvar. APL. Man Siti – Chelsi
29 yanvar. YECHL. Man Siti – Bryugge
2 fevral. APL. Arsenal – Man Siti
«Real», «Yuventus», «Bayer», «Borussiya» Husanovga qiziqmoqda. «Man Siti» esa futbolchining otasi Hikmat Hoshimov bilan uchrashdi
Neymar: «Ronalduning fikriga qo‘shilaman»
Husanov «Manchester Siti»ga o‘tsa, «Bunyodkor» va «Energetik-BGU» transferdan qancha mablag‘ ishlab olishi ma’lum bo‘ldi
