Shu yilning 27 oktyabr kuni Toshkent metrosining barcha bekatlari o‘z ishini 1 soat avval ya’ni 05:00 dan boshlaydi.
Bu haqda “Toshkent metropoliteni” DUK ma’lum qildi.
Qayd etilishicha, shu yilning 27-oktyabr, yakshanba kuni “O‘zbekiston Respublikasi Oliy Majlis Qonunchilik palatasi va mahalliy Kengashlar deputatlari” saylovi bo‘lib o‘tishi munosabati bilan Toshkent metropolitenining barcha bekatlari soat 05:00 dan ish faoliyati boshlanishini yana bir bor eslatib o‘tamiz.
Shuningdek, bu kunda yo‘nalishlarda poyezdlar harakati ish kunlari uchun tasdiqlangan doimiy jadval asosida tashkillashtiriladi.