Toshkent fond birjasida mahalliy kompaniyalar va banklarga xorijiy valyutada obligasiyalar chiqarishga ruxsat beriladi

Bu orqali kompaniyalar tashqi bozorga chiqmasdan valyuta mablag‘larini jalb qilish imkoniga ega bo‘ladi, deyiladi prezident ishtirokida o‘tgan taqdimotda.

Shu bilan birga, yig‘ilishda mahalliy kapital bozoriga kamida $1 mlrd investisiya jalb qilishga qaratilgan chora-tadbirlar muhokama qilingan.

Xususan, xalqaro standartlarga muvofiq qimmatli qog‘ozlarni mahalliy va xorijiy fond birjalarda bir vaqtning o‘zida joylashtirishni nazarda tutuvchi "dual listing" amaliyotlariga ruxsat berish rejalashtirilmoqda.