Shu yilning 23 martdan boshlab “Mashinasozlar” metro bekati – Chorbog‘ (Humson qo‘rg‘oni) yo‘nalishida avtobuslar harakati tiklanadi.
Bu haqda “Toshshahartransxizmat” AJ axborot xizmati xabar berdi.
Qayd etilishicha, mazkur yo‘nalishga 47 o‘rindiqli, kondisionerlar bilan jihozlangan, qulay “MAN RR3” rusumli turistik avtobuslar biriktiriladi. Yo‘l haqi 25 ming so‘m etib belgilangan.
Birinchi qatnov har kuni soat 06:00 da “Mashinasozlar” metro bekatidan boshlanadi. Avtobuslar har 1,5 soatda harakatlanadi.
Yo‘nalish Mashinasozlar metro bekati – Maxtumquli ko‘chasi – Yangi O‘zbekiston bog‘i – Xo‘jikent mavzesi – Chinorkent orqali Humson qo‘rg‘onigacha davom etadi.
Qatnov davomiyligi o‘rtacha 1 soat 30 daqiqani tashkil etadi. So‘nggi reys soat 20:30da Chorbog‘ tomondan yo‘lga chiqib, 22:00 da “Mashinasozlar” metro bekatiga yetib keladi.
To‘lovni naqd pul va bank kartalari orqali amalga oshirish mumkin.
Eron musulmon davlatlariga chaqiriq bilan chiqdi
Gruziyada motam kuni e’lon qilindi
Tramp dunyo davlatlaridan yordam so‘radi
