Toshkent aeroportida shamol yo‘nalishining o‘zgarishi sabab bir nechta samolyotlar qo‘na olmadi

Toshkent xalqaro aeroportida shamol yo‘nalishining keskin o‘zgarishi tufayli mahalliy vaqt bilan soat 16:03 da havo kemalarini qabul qilish va jo‘natish bo‘yicha vaqtinchalik cheklovlar joriy etildi. Bu sababli quyidagi reyslar qo‘na olmadi:

• "Qanot Sharq" aviakompaniyasining Kamran – Toshkent yo‘nalishidagi HH-2232 reysi (qo‘nish vaqti 16:35);

• "Uzbekistan Airways" aviakompaniyasining Maxachqala – Toshkent yo‘nalishidagi HY-9732 reysi (qo‘nish vaqti 16:42);

• "Uzbekistan Airways" aviakompaniyasining Dehli – Toshkent yo‘nalishidagi HY-424 reysi (qo‘nish vaqti 16:51) Samarqanddagi zaxira aerodromga yo‘naltirildi.

Shuningdek, "Air Astana" aviakompaniyasining Astana – Toshkent yo‘nalishidagi KS-123 reysi Turkistondagi zaxira aerodromga qo‘nishga qaror qildi.

Mahalliy vaqt bilan soat 16:30 da vaziyat barqarorlashdi, aeroportda havo qatnovi qayta tiklandi. Hozirda aeroport odatdagi tartibda ishlamoqda. Zaxira aerodromlarga qo‘ngan samolyotlar Toshkentga qayta uchish uchun tayyorlanmoqda.

🌀 Eslatib o‘tamiz: shamol silishuvi — bu qisqa masofa ichida shamolning yo‘nalishi yoki tezligining keskin o‘zgarishi holatidir. U gorizontal yoki vertikal bo‘lishi mumkin va samolyotlarga parvoz, ko‘tarilish yoki qo‘nish paytida sezilarli ta’sir ko‘rsatadi.