Toni Kroos "Real"ning ikki yulduziga maslahat berdi

"Real"ning sobiq yarim himoyachisi Toni Kroos Madrid jamoasining yulduz hujumchilari - Vinisius Junior va Kilian Mbappega maslahat berdi. Kroosning fikricha, braziliyalik va fransuz ko‘proq himoyaga yordam berishi kerak.

"Yaxshi futbolchilar birga o‘ynashlari mumkin va kerak. Lekin ular himoyalanishi ham kerak. Men uchun hujum va himoya doim ajralmas bo‘lgan," - deya Kroosning so‘zlarini keltiradi Goal portali Gazzetta dello Sport'ga tayanib.

Eslatib o‘tamiz, Toni Kroos o‘tgan yozda faoliyatini yakunlagan edi. Germaniyalik futbolchi "Real" tarkibida o‘n mavsum o‘tkazdi.