Yaponiya Bosh vaziri Sanae Takaichi va Vyetnam Bosh vaziri Le Min Xung shanba kuni Xanoyda uchrashib, energetika va muhim foydali qazilmalar sohasidagi aloqalarni mustahkamlashga kelishib oldilar. Uchrashuv davomida iqtisodiy xavfsizlik ikki tomonlama munosabatlarning yangi ustuvor yo‘nalishi sifatida belgilandi. Tomonlar infratuzilma, qishloq xo‘jaligi, raqamlashtirish va koinot sohalarini qamrab oluvchi oltita kelishuvni imzoladilar.
Yaponiyaning Vyetnamga kiritgan yangi investisiyalari joriy yilning birinchi choragida 75 foizga kamaygan bo‘lsa-da, o‘zaro tovar ayirboshlash hajmi 12,3 foizga oshib, 13,7 milliard dollarni tashkil etdi. Shuningdek, Yaponiya 10 milliard dollarlik "Power Asia" tashabbusi doirasida Vyetnamning "Ngi Shon" majmuasiga xom neft yetkazib berishni tashkil etishda yordam beradigan bo‘ldi. Bu hamkorlik Yaqin Sharqdagi nizolar tufayli yuzaga kelgan energetik inqiroz sharoitida Vyetnam uchun muhim ahamiyatga ega bo‘lmoqda.
Zelenskiy Putinning G‘alaba bayrami munosabati bilan sulh e’lon qilish g‘oyasiga munosabat bildirdi
Mojtaba Xomanaiy Putinga maktub yo‘llagani ma’lum bo‘ldi
Xitoy aholisi Fransiya darajasida qisqarishi mumkin: Iqtisodiyot xavf ostida
