Tojikistonda 2022 yilning birinchi yarmida oltin qazib olish ko‘rsatkichi 15 foizga oshdi.
18 iyul kuni Tojikiston sanoat va yangi texnologiyalar vaziri Sherali Kabir shu haqda ma’lum qildi, deyiladi «Xovar» agentligi tarqatgan xabarda.
«Tojikistonda oltin qazib olish ko‘rsatkichi 2022 yilning birinchi yarmida 15 foizga ortdi, bu yaxshi natija hisoblanadi», – dedi vazir. Uning ta’kidlashicha, 2022 yilda ikkita yirik oltin qazib olish korxonasi ishga tushirildi. Vazirning umid bildirishicha, yangi «TALKO Gold» va «TVEA Dushanbe» korxonalari faoliyati qimmatbaho metallarni ishlab chiqarish miqdorini yanada oshiradi va mamlakatning makroiqtisodiy ko‘rsatkichlariga ijobiy ta’sir ko‘rsatadi.
«Yil oxirigacha zargarlik mahsulotlari uchun qimmatbaho metallarni qayta ishlovchi to‘rtta korxonani ishga tushirish rejamiz bor», – deya aniqlik kiritdi Sherali Kabir.
Uning ta’kidlashicha, Tojikistonda jami 19 ta korxona oltin qazib olish bilan shug‘ullanadi.
Rossiya hukumati bunga rozi bo‘ldi
Putin va Ilhom Aliyev temir yo‘l sohasi faxriylari va xodimlari bilan uchrashuv o‘tkazdi
Iqtisodiy jihatdan Moldova faqat Rossiya bilan hamkorlikda rivojlana oladi
