Timur Kapadze Indoneziya terma jamoasidan bo‘layotgan qiziqishlar haqida gapirdi

Timur Kapadze Indoneziyadan qiziqish bor yoki yo‘qligi bo‘yicha tarqalayotgan xabarlarga izoh berdi. Bu haqda Championat.asia nashri xabar berdi.

"Indoneziyaning qiziqishi haqida o‘qidim va eshitdim. Instagram sahifam indoneziyalik muxlislar maktublari bilan to‘lib-toshmoqda. Biroq hozircha Indoneziya futbol assosiasiyasidan rasmiy taklif kelib tushmagan.

Indoneziya – yaxshi shakllangan jamoa. U yerda futbolni juda yaxshi ko‘rishadi. Indoneziyalik muxlislarning bu xohishi meni xursand qildi", – dedi Kapadze.