O‘zbekistonda shifokorlar soni har 10 ming aholiga 29 kishini tashkil qiladi. Bu AQSH, Buyuk Britaniya, Finlyandiyadagi bilan bir xil, Turkiya va Kanadadagidan esa ko‘p. Lekin bizda ish samaradorligi, davolash sifati zo‘r emas, - deyladi Shavkat Mirziyoyev huzurida bo‘lib o‘tgan majlis bayonotida.
Ushbu munosabat bilan quyidagi o‘zgarishlar taklif qilindi:
▪️Birlamchi bo‘g‘in isloh qilinib, tibbiyot brigadasi hamda unga biriktirilgan aholi o‘rtasida ikki tomonlama shartnoma tuziladi. Endi aholi oilaviy shifokorni erkin tanlaydi, bu jarayonga xususiy shifokorlar ham jalb etiladi.
▪️Tibbiy yordamning kafolatlangan paketi tasdiqlanadi va paket doirasida tibbiy xizmat va dori vositalari to‘liq byudjetdan qoplanadi.
▪️Birlamchi bo‘g‘inda barcha shifokor va hamshiralar faqat to‘liq stavkada ishlaydi. Poliklinikada akusher-ginekologlar soni 2 barobar ko‘paytiriladi. Har 3 ming nafar bola uchun bittadan pediatr shtati yangidan qo‘shiladi.
▪️Bu poliklinikalarda oilaviy shifokorning bazaviy oylik maoshi 500 dollar, hamshiraniki 300 dollar ekvivalenti miqdorida bo‘ladi.
▪️Mazkur tizim bu yil 15 ta tuman va shaharda, kelgusi yildan Samarqand viloyatining barcha hududlarida sinovdan o‘tkaziladi.
▪️Shu bilan birga, oilaviy shifokor va hamshiralarning mas’uliyati ham oshiriladi. Endi mahallada infarkt, insult, onalar va bolalarning erta o‘limi, surunkali kasallik tufayli orttirilgan nogironlik bo‘lsa, favqulodda holat sanaladi.
Qo‘qon shahrida sodir bo‘lgan holat yuzasidan ma’lumot
Samarqandda maktab o‘quvchilarining janjali ulardan birining o‘limi bilan tugadi
Dollar keskin tushdi, yevro ko‘tarildi! Markaziy bank 20 may uchun yangi kurslarni e’lon qildi
