Internet tarmog‘ida Toshkent yo‘llarida YPX inspektori va yuk avtomobili haydovchisi o‘rtasida yuzaga kelgan holat videosi tarqaldi. Mazkur fakt bo‘yicha quyidagilar ma’lum qilindi.
2020 yil 16 oktyabr kuni taxminan soat 16.40 da Mirzo-Ulug‘bek tumani Ziyolilar va Sayram ko‘chasi kesishmasida mazkur hududda xizmat olib borgan YPX inspektori jezl va hushtak bilan SREM ST rusumli (davlat raqami 01 F 620 EB) yuk avtomobiliga to‘xtash haqida ishora qilgan. Ammo haydovchi bu ishorani mensimasdan, harakatni davom ettirgan. Yo‘l harakati xavfsizligi boshqarmasi xodimlari tomonidan ko‘rilgan choralara natijasida transport vositasi tez orada majburiy tarzda to‘xtatilgan. Haydovchi – 23 yoshli Sergeli tumanida yashovchi Doniyor I. edi.
Toshkent shahar IIBB YHXB maxsus divizion 6-son mobil guruhi inspektori kichik serjant N. Xaytxodjayev haydovchiga nisbatan O‘zbekiston Respublikasi Ma’muriy javobgarlik to‘g‘risidagi kodeksining 194 moddasi (“Ichki ishlar organlari xodimining qonuniy talablarini bajarmaslik”) bo‘yicha bayonnoma rasmiylashtirdi. Avtomobil jarima maydonchasiga joylandi.
Ozodbek Nazarbekov Botir Qodirov va Jo‘rayevlar haqida: “Uchta tirrancha buyuk san’atkorni loyga bulg‘amoqda”
Energiya tarmoqlariga o‘zboshimchalik bilan ularnish o‘g‘rilik hisoblanadi
Tatyana Karimova va Pyotr Karimov o‘rtasidagi sud ishi davom etmoqda
