Terrorchilar yangi sharoitlarga moslashmoqda va kibermakonni faol o‘zlashtirmoqda

Bu haqda Qirg‘izistonning SHHT Mintaqaviy aksilterror tuzilmasidagi doimiy vakili Oltinbek Kazkanov ma’lum qildi.

"So‘nggi yillarda ko‘rilayotgan choralarga qaramay, xalqaro terrorizm va ekstremizm o‘zgarmoqda. Terrorchi tashkilotlar yangi sharoitlarga moslashmoqda, kibermakon, moliyaviy va migrasiya kanallaridan faol foydalanmoqda, yoshlarni internet va ijtimoiy tarmoqlar orqali ekstremistik faoliyatga jalb qilmoqda", — dedi u.

Kazkanovning aytishicha, terrorchilik va diniy-ekstremistik tashkilotlar faollari ijtimoiy tarmoqlar va messenjerlardan foydalanib, radikal g‘oyalarni tarqatishda davom etmoqda, deb xabar beradi @SputnikUzbek muxbiri.