Xitoyning Temu marketpleysi O‘zbekistonda taxminan 46 mlrd so‘m miqdorida soliq to‘lamagan. Soliq qo‘mitasi ushbu soliq to‘lovlari bo‘yicha marketpleysga talabnoma yubordi.
Bu haqda AOKAda Soliq qo‘mitasi rahbariyati ishtirokida o‘tkazilgan matbuot anjumanida ma’lum qilindi.
Qo‘mita raisining birinchi o‘rinbosari Mubin Mirzayevning qayd etishicha, elektron savdo tizimini soliqqa tortish butun dunyoda juda katta muammoga sabab bo‘lmoqda.
“Olingan ma’lumotlarga ko‘ra, Temu tomonidan taxminan 46 mlrd so‘mlik soliqlar to‘lanmagani aniqlandi. Biz uni hali tekshirganimiz yo‘q, bu dastlabki hisob-kitoblar natijasi. Marketpleysga ushbu soliq to‘lovlari bo‘yicha e’tiroz xati berilgan. Qachon u soliqlarni to‘lasa, biz faoliyatini legallashtirish imkoniyatini yaratib beramiz“, — dedi Mubin Mirzayev.
Uning so‘zlariga ko‘ra, hisoblangan soliqlar tekshirilmaganini, soliq qarzdorligi to‘lanmagan holatda, to‘liq tartibda tekshiruv amalga oshirilishini hamda soliq majburiyati bajarilishi yuzasidan alohida ma’lumotlar taqdim etiladi.
Eslatib o‘tamiz, avvalroq O‘zbekistonda Temu platformasidan foydalanish cheklangandi.
Cho‘ntakka zarba: Go‘sht narxi “uchib ketdi” – O‘zbekistonda mart oyida 9,1% oshdi!
Andijondagi portlash qurbonlari soni ma’lum bo‘ldi
Maktablar 5 kunlik o‘qish va ish tartibiga o‘tadimi?
