Oq uy AQSh tomonidan boj joriy etilgan davlatlarning to‘liq ro‘yxatini e’lon qildi

Ikki ustundan iborat jadvalda turli mamlakatlarda Qo‘shma Shtatlar mahsulotlariga hozirda qanday bojlar qo‘llanilayotgani va Vashington bunga javoban qanday yig‘imlarni joriy qilayotgani ko‘rsatilgan.

E’lon qilingan ro‘yxatga ko‘ra, Xitoydan import qilinadigan mahsulotlar uchun boj 34%, Yevropa Ittifoqi mamlakatlari uchun – 20%, Shveysariya uchun 31%, Buyuk Britaniya uchun 10%, Isroil uchun 17%, Qozog‘iston uchun 27% bo‘ladi. Eng yuqori bojlar Vetnamga (46%), Kambodjaga (49%) va Laosga (48%) nisbatan qo‘llangan. Rossiya ushbu ro‘yxatga kiritilmagan.

Ro‘yxatda O‘zbekiston ham mavjud bo‘lib, AQSh mamlakatimizga nisbatan 10 foizlik import bojini joriy etgan.