Tramp AQShda favqulodda holat e’lon qildi

Qo‘shma Shtatlar milliy xavfsizlikka tahdid soladigan savdo muvozanati tufayli favqulodda holat e’lon qildi.

Bu haqda Amerika prezidenti Donald Tramp ma’lum qilgan.

"Ushbu tahdidning manbai AQShdan tashqarida, asosiy savdo hamkorlarining ichki iqtisodiy siyosati va global savdo tizimidagi tarkibiy nomutanosibliklarda yotadi. Shu bilan men ushbu tahdid yuzasidan milliy favqulodda holat e’lon qilaman", dedi u.

Trampning aytishicha, AQShning boshqa davlatlar bilan savdo aloqalarida “o‘zaro munosabatlar” yo‘q. Bundan tashqari, bu munosabatlar “ayniqsa so‘nggi yillarda nihoyatda muvozanatsiz bo‘lib qoldi”, deya qo‘shimcha qildi Oq uy rahbari.