Fransuzlar AQSh bayrog‘ini yoqmoqda

Parijdagi norozilik namoyishlari davomida talabalar aksiyasi ishtirokchilari AQSh bayrog‘ini yirtib, prezident Donald Tramp va uning tarif siyosatini qoralovchi shiorlarni baqirishdi, deb xabar bermoqda chet el ommaviy axborot vositalari.

Namoyish avjiga chiqqan paytda namoyishchilar AQSh bayrog‘iga o‘t qo‘yib, Trampning harakatlari va u joriy etgan bojxona to‘lovlariga qarshi hayqiriqlar bilan chiqishdi.

Ma’lumotlarga ko‘ra, talabalar va o‘qituvchilar davlat sektoridagi qisqartirishlarga norozilik bildirish uchun ko‘chalarga chiqishgan. Aksiya davomida ular axlat idishlarini yoqib yuborishgan, do‘kon vitrinalarini va bankomatlarni sindirishga urinishgan. Biroz vaqt o‘tgach, namoyishchilar polisiya bilan to‘qnashdi, ammo chekinmay, huquq-tartibot xodimlariga petardalar ota boshladi. Namoyishchilarning bu harakatlariga javoban polisiya xodimlari kaltak va ko‘zdan yosh oqizuvchi gaz ishlatishga majbur bo‘ldi.

Eslatib o‘tamiz, 2 aprel kuni Tramp AQShga bir qator mamlakatlardan import qilinadigan mahsulotlar uchun bojxona to‘lovlari joriy etilishini e’lon qildi, ayrim davlatlar uchun esa alohida stavkalar belgilanishi aytildi.Bundan tashqari, 3 apreldan boshlab Amerika ma’muriyati barcha import qilinadigan avtomobillarga 25 foiz miqdorida boj joriy qiladi.