Surxondaryoda tergovga olib ketilgan shaxsning o‘limi holati yuzasidan tekshiruv yakunlandi

Ombudsmanga taqdim etilgan ma’lumotlarga ko‘ra, fuqaro T.Xaitov 25 fevral kuni Sariosiyo tumani tibbiyot birlashmasida vafot etgan.

Sud-tibbiy ekspertiza xulosasiga ko‘ra, uning o‘limiga gipertoniya kasalligi oqibatida yuz bergan kardioskleroz, yurak tamponadasi va yurak siqilishi sabab bo‘lgan. Tanasida jarohat izlari aniqlanmagan.

Tuman prokuraturasi tekshiruv yakunlari asosida jinoyat tarkibi mavjud emasligi sababli 25 mart kuni jinoyat ishi qo‘zg‘atishni rad etish haqida qaror qabul qildi.