Tadqiqot: So‘nggi 20 yilda o‘rmonlarni kesish 500 mingdan ortiq odamning o‘limiga sabab bo‘lgan

Yangi tadqiqotga ko‘ra, tropik hududlarda o‘rmonlarni kesish natijasida hosil bo‘lgan issiqlik bilan bog‘liq kasalliklar so‘nggi 20 yilda yarim milliondan ortiq insonning hayotiga zomin bo‘lgan.

Olimlar qayd etishicha, Amazonka, Kongo va Janubi-Sharqiy Osiyoda yerni tozalash soyaning kamayishi, yomg‘ir miqdorining qisqarishi va yong‘in xavfining ortishiga olib kelmoqda. Bu esa mahalliy haroratni oshirib, yiliga o‘rtacha 28 mingdan ortiq insonning issiqlik bilan bog‘liq o‘limiga sabab bo‘lmoqda.