Syorfing bo‘yicha Osiyo chempionatida O‘zbekiston sharafini Mayya Karl himoya qiladi

Shu kunlarda Hindistonning Mahabalipuram shahrida syorfing bo‘yicha Osiyo chempionati bo‘lib o‘tmoqda. 19 mamlakatdan 100 nafardan ortiq sportchi qatnashayotgan mazkur musobaqada birinchi bor O‘zbekiston terma jamoasi a’zosi ham ishtirok etyapti.

Ayollar o‘rtasidagi bellashuvlarda yurtimiz sharafini 20 yoshli sportchimiz Mayya Karl himoya qilyapti. An’anaga muvofiq, ochilish marosimida musobaqaning barcha ishtirokchilari maxsus idishni o‘z mamlakatlaridan olib kelingan qum bilan to‘ldirishdi. Sportchimiz bu tadbirda idishni Orol dengizidan olib kelingan qum bilan boyitdi.