Suriyaning janubiy Es-Suveyda viloyatida druz va beduin yetnik guruhlari o‘rtasida yuz bergan qurolli to‘qnashuvlarda kamida 30 kishi halok bo‘ldi, yana 100 nafarga yaqini tan jarohati oldi. Bu haqda mamlakat Ichki ishlar vazirligi rasmiy bayonot berdi.
Ma’lum qilinishicha, to‘qnashuvlar Makaus hududida, davlat tuzilmalari yo‘qligi va xavfsizlik bo‘shlig‘i tufayli kelib chiqqan.
«Zo‘ravonlikning davom etishi jamiyatda katta tashvish uyg‘otmoqda, ko‘plab deeskalasiya chaqiriqlariga qaramay», — deyiladi bayonotda.
Vazirlik voqealar fuqarolar xavfsizligiga bevosita tahdid solayotganini va ijtimoiy hamjihatlikka jiddiy zarar yetkazayotganini ta’kidladi. Voqea joyidagi vaziyatni barqarorlashtirish maqsadida Ichki ishlar vazirligi va Mudofaa vazirligiga qarashli kuchlar hududga yuborildi.
«Qurolli to‘qnashuvlarda ishtirok etgan barcha shaxslar sud organlariga topshiriladi», — deyiladi rasmiy bayonotda. Shuningdek, bu kabi voqealarning yana takrorlanishini oldini olish uchun barcha zarur choralar ko‘rilishi ma’lum qilindi.
Mahalliy manbalarga ko‘ra, to‘qnashuvlar har ikki tomon vakillarining bir-birlariga tegishli avtomashinalarni olib qo‘yishi ortidan boshlangan. Nizo tez orada og‘ir qurollar qo‘llanilgan shafqatsiz janglarga aylandi.
Maktablarda 1 sentyabrdan smartfondan foydalanish taqiqlanadi
AQSh Kongressiga nomzod Valentina Gomes Qur’onni yoqib yubordi
Parasetamolning kutilmagan nojo‘ya ta’siri aniqlandi
