Suriya sobiq prezident Bashar al-Assad hokimiyatdan ag‘darilganidan keyin olti oy ichida deyarli 16 milliard dollar sarmoya va xalqaro yordam jalb qildi.
Bu haqda Amirliklarning The National nashri xabar bermoqda.
Eng yirik investor Qatarning UCC Holding kompaniyasi bo‘ldi, u Suriyada to‘rtta gaz elektr stansiyasi va 1 GVt quvvatga ega bitta quyosh elektr stansiyasi qurilishiga 7 milliard dollar sarfladi. BMT Taraqqiyot dasturi infratuzilmani tiklash, ijtimoiy himoya tizimini ishga tushirish va raqamli startaplarni qo‘llab-quvvatlashga qaratilgan 1,3 milliard dollarlik uch yillik rejani ishlab chiqdi. Mart oyida Bryusselda bo‘lib o‘tgan konferensiyadan so‘ng yevropalik donorlar mamlakatni qayta tiklash uchun 6,5 milliard dollar ajratishga va’da bergan edi.
May oyida DP World (BAA) logistika operatori va Suriyaning yangi hukumati Tartus portida ko‘p funksiyali terminalni ishlab chiqish, boshqarish va foydalanishni nazarda tutuvchi 800 million dollarlik anglashuv memorandumini imzoladi. Bundan biroz oldin Fransiyaning CMA CGM yuk tashish kompaniyasi Latakiya portini boshqarish uchun 260 million dollarlik 30 yillik konsessiya shartnomasini imzoladi.
Jahon banki hisob-kitoblariga ko‘ra, Suriya iqtisodiyotini tiklash uchun 400 milliard dollar kerak. Shu bilan birga, respublikaning o‘tish davri hukumatidagi Iqtisodiyot vaziri Nidal al-Shaarning fikricha, tiklash uchun zarur bo‘lgan mablag‘ 1 trillion dollarga yaqinlashishi mumkin.
Dollar kursi yana keskin «quladi»
Isroil Eron bilan urush tugaganini rasman e’lon qildi
O‘zbekistonlik yana bir futbolchi "Manchester Siti"ga o‘tishi mumkin
