Bugun, 6 noyabr kuni O‘zbekiston Superligasining 27-tur uchrashuvlari davom ettiriladi.
Turning ikkinchi o‘yin kunida bitta bahs o‘tkaziladi. Jizzaxning «So‘g‘diyona» klubi o‘z maydonida Samarqandning «Dinamo» jamoasini qabul qiladi.
26-turdan keyin «Dinamo» 34 ochko bilan turnir jadvalida 9-o‘rinni egallab turgan bo‘lsa, «So‘g‘diyona» 30 ochko bilan 11-pog‘onada bormoqda.
Eslatib o‘tamiz, 27-turning dastlabki uchrashuvi 5 noyabr kuni bo‘lib o‘tdi. Unda «Xorazm» safarda «Bunyodkor»ni 2:1 hisobida mag‘lub etdi.
O‘zbekiston Superligasi. 27-tur
6 noyabr, juma
18:30. «So‘g‘diyona» – «Dinamo»
27-turning qolgan oltita uchrashuvi 7–8 noyabr kunlari o‘tkaziladi.