Superkompyuter chorak finaldan keyin Chempionlar ligasi favoritini aniqladi

Chorshanba kuni Chempionlar ligasi chorak final bosqichining so‘nggi o‘yinlari bo‘lib o‘tdi.

Londonning “Arsenal” klubi “Real”ni ortda qoldirgan bo‘lsa, “Inter” “Bavariya”ni mag‘lub etdi. Opta superkompyuterining hisob-kitoblariga ko‘ra, hozirda "Arsenal" turnirning asosiy favoriti - "kanonirlar"ning g‘alaba qozonish ehtimoli 28,7 foizga baholanmoqda.

Ikkinchi o‘rinda “Inter” 25,5 foiz, uchinchi o‘rinda “PSJ” – 24 foiz. “Barselona”da eng past imkoniyat – 21,8%.

Eslatib o‘tamiz, yarim finalda "Arsenal" "PSJ" bilan, "Inter" esa "Barselona" bilan kuch sinashadi.