Sun’iy intellekt tomonidan yaratilgan rasm 5 ming dollarlik tanlovda g‘olib bo‘ldi, uni tanlovga yuborgan suratkash mukofotdan voz kechdi
DALL-E yaratgan surat orqali nemis fotografi Boris Eldagsen nufuzli tanlov — Sony World Photography Awards'da g‘olib bo‘lgan. Biroq u bu ishni sun’iy intellekt rivojlanayotgan davrda tashkilotchilar fotografiyaning kelajagi borasidagi savollarga e’tibor qaratishi uchun atayin qilganini aytgan. U mukofotdan voz kechgan va sodir bo‘lgan voqeani sun’iy intellekt bilan bog‘liq muammo allaqachon boshlanganiga isbot deb ta’kidlagan.
