Storm Shadow qanotli raketasini ishlab chiqaruvchi Yevropaning MBDA mudofaa kompaniyasi 2025 yilda ishlab chiqarish hajmini 2023 yilga nisbatan ikki baravar oshirishni rejalashtirmoqda. Bu haqda kompaniya bosh direktori Erik Beranje Financial Times (FT) gazetasiga bergan intervyusida ma’lum qildi.
"Biz ishlab chiqarishni ko‘paytirish bilan bog‘liq vazifalarni hal qilish uchun, ta’bir joiz bo‘lsa, ancha sanoatlashgan bo‘lishimiz kerak" - dedi Beranje. Uning so‘zlariga ko‘ra, kompaniya harbiylar, xususan, Aster zenit-raketalarini yetkazib berishni tezlashtirishni talab qilayotgan Fransiya armiyasi tomonidan "kuchli bosim" ostida. Guruh allaqachon ishlab chiqarish liniyasini yangilash, jumladan, qo‘shimcha robotlashtirilgan mashinalarni o‘rnatish va ish smenalari sonini oshirish uchun o‘nlab million evro sarmoya kiritgan.
FTning qayd etishicha, ilgari uch yildan oshib ketgan Aster raketalarini ishlab chiqarish davri ikkiga qisqartirilgan. MBDA ishlab chiqarishni tezlashtirish va tanqislikni oldini olish uchun asosiy komponentlar ustidan nazoratni kengaytirish, shu jumladan pudratchilarni qabul qilish va vertikal integrasiya orqali ko‘rib chiqmoqda. Biroq, ishlab chiqarish arxitekturasini o‘zgartirish ko‘p millatli konsern ichidagi milliy ta’sirni zaiflashtirishi mumkinligidan qo‘rqib, reja Fransiya, Britaniya va Italiyaning e’tirozlariga duch keldi.
MBDA – Airbus (Fransiya), BAE Systems (Buyuk Britaniya) va Leonardo (Italiya) o‘rtasidagi qo‘shma korxona. Kompaniya tomonidan ishlab chiqarilgan "Storm Shadow" raketalari Ukrainaga yetkazib beriladi.
Qozog‘iston Rossiya bilan urushga tayyorgarlik ko‘rmoqdami yoki bu shunchaki ichki chorami?
Moskva markazida ketma-ket portlashlar yuz berdi
"El-Klasiko" oldidan "Barselona" muxlislari uchun xushxabar bor
