Buyuk Britaniya bosh vaziri Kir Starmer Xitoyni mamlakat milliy xavfsizligiga tahdid deb atagan, shu bilan birga Pekin bilan hamkorlikni qo‘llab-quvvatlagan.
London shahri lord-meri tomonidan har yili o‘tkaziladigan an’anaviy ziyofatda so‘zga chiqqan bosh vazir shunday dedi: "Ha, bu Buyuk Britaniya milliy xavfsizligiga haqiqiy tahdid soladigan mamlakatdir".
Shu bilan birga Starmer Londonning Pekin bilan barqaror munosabatlari yo‘qligini tanqid qildi. Uning aytishicha, "Oltin asr" va "muzlik davri" o‘rtasidagi sodda tanlovdan voz kechish va "mamlakat bilan o‘zini himoya qilgan holda ishlash va savdo qilish" mumkinligini tan olish kerak.
"Bizning javobimiz qo‘rquvdan kelib chiqmaydi va illyuziyalar bilan yumshatilmaydi. U kuch, ravshanlik va hushyor realizmga asoslanadi", deb ta’kidladi Bosh vazir.
Starmerning ishontirishicha, Xitoy bilan hamkorlik qilishiga qaramay, Buyuk Britaniya josuslik va noqonuniy kiberfaoliyatga urinishlarni bostirishda davom etadi, Rossiya bilan hamkorlik qilayotgan Xitoyning gaz va neft kompaniyalariga qarshi sanksiyalar qo‘llaydi va inson huquqlari buzilishiga ochiq javob beradi.
Kelayotgan hafta O‘zbekistonda sovuq havo kutilmoqda
Rossiya Sibir daryolari suvini Markaziy Osiyo bilan bo‘lishmaydi — olimlar fikri
Migrantlardan norozi bo‘layotgan ekspertlarga qo‘liga supurgi olishni maslahat beraman — Sobyanin
