SSKA Abbosbek Fayzullayevni qancha sotmoqchi ekani ma’lum bo‘ldi

Moskvaning SSKA klubi yarim himoyachisi yozda jamoani tark etishi mumkin. Bu haqda Bobsoccer.ru sayti insayder Ivan Karpovga tayanib xabar tarqatdi.

«Abbosbek Fayzullayev bo‘yicha hamma narsa xorijdan bo‘ladigan sifatli taklifga bog‘liq. Armiyachilar Abbosni faqat yaxshi pulga (kamida 12 million yevro), ammo juda ham yuqori bo‘lmagan, adekvat narxga qo‘yib yuborishga tayyor. Shu bilan birga, futbolchining o‘zi Yevropaga ko‘proq intilayotgan bo‘lsa-da, uning agentlari bilan shartnomani uzaytirish muhokama qilinmoqda», — deb iqtibos keltiradi insayder Ivan Karpovning so‘zlarini futbol sayti.