Sport odam savdosiga niqob bo‘lmasligi kerak

Sport bolalar savdosi uchun niqob sifatida tobora ko‘proq foydalanilmoqda. Xalqaro Migrasiya Tashkiloti ushbu hodisaga qarshi kurashish uchun yangi kampaniyani boshladi.

So‘nggi dalillar shuni ko‘rsatadiki, odam savdogarlari bolalarni o‘ziga jalb qilish uchun sportdan foydalanmoqda. Kam ta’minlangan oiladagi bolalar ayniqsa himoyasiz.

Birlashgan Millatlar Tashkiloti ma’lumotlariga ko‘ra, bolalar dunyo bo‘ylab odam savdosi qurbonlarining 38 foizini tashkil qiladi. Yoshlarni yolg‘on bahonalar bilan sport jamoalariga yoki professional shartnomalarga jalb qilish firibgarlarning bir usulidir.

Odam savdosi qurbonlari bo‘lgan bolalarning 11 foizi yolg‘on va’dalar orqali ekspluatasiya va majburiy mehnat sharoitlariga jalb qilingan.