“Silk Road Samarkand” xalqaro sayyohlik majmuasi tomonidan ommaviy axborot vositalari uchun press-tur uyushtirilganligi haqida xabar bergandik. Mazkur press-tur davomida majmuadagi “Congress Center” – xalqaro kongress markazi katta taassurot qoldirdi.
Markaz mas’ullarining ma’lumotiga ko‘ra, bu markaz Markaziy Osiyodagi eng yirik kongress markazi hisoblanadi. Ta’kidlash kerakki, yuqori texnologiyali zalda 3500 ishtirokchiga mo‘ljallangan o‘n uchta konferensiya zallari mavjud.
Bundan tashqari, kongress markazi kongresslar, forumlar, konferensiyalar, simpoziumlar, ko‘rgazmalar, taqdimotlar, namoyishlar va banketlar uchun mo‘ljallangan zamonaviy uskunalar bilan jihozlangan.
Kongress markazining maydoni 18 000 m2 ni tashkil qiladi.
Markazda qad rostlagan kongress markazida ham milliy, tarixiy-etnografik muhit hukmron. Bu yerda qadim tarixga oid turli manbalar, yodgorliklar bilan tanishish mumkin.
Press-tur ishtirokchilari tarixiy materiallar va o‘ziga xos san’at asari — «Quyosh» bilan tanishishdi. Mazkur asar muallifi asli samarqandlik, ayni damda esa Buyuk Britaniyada ijod qiladigan rassom, haykaltarosh Yunus Safardiyor hisoblanadi.
Qayd etish joizki, ushbu san’at asari kinetik san’at deyiladi, ya’ni harakatga keltiruvchi san’at.
Kamoliddin Behzod nomidagi Milliy rassomlik va dizayn instituti tasviriy san’at kafedrasi dosenti Shuhrat Abdullayev: “Quyosh”ga e’tibor bersangiz, doim nur sochib turadi. Muallif juda yaxshi g‘oya o‘ylab topgan. Bir qarashda oddiy, ammo, aslida, kishini o‘ylashga, mulohaza yuritishga undaydi", – deya izoh bergandi.
Bir so‘z bilan aytganda, kongress markazi OAV vakillarida katta taassurot qoldirdi.
Moskva Isroilning ehtimoliy hujumidan himoya qilish uchun Eronga zamonaviy qiruvchi va havo mudofaa tizimlarini topshirishi mumkin
Tojikiston chegarachilari yetti nafar afg‘onni otib o‘ldirdi
Qirg‘iziston Moskvaning bayonotlaridan norozi
