Silk Avia 1 fevraldan mahalliy yo‘nalishlar bo‘yicha chiptalar narxini oshiradi

2026 yil 1 fevraldan boshlab Silk Avia mahalliy yo‘nalishlar bo‘yicha yangilangan tariflar kuchga kirishini ma’lum qildi. Narxlar oshishi eng minimal tariflar uchun quyidagicha bo‘ladi:

• Toshkent – Samarqand 291 ming so‘mdan 313 ming so‘mga;
• Toshkent – Buxoro 320 ming so‘mdan 344 ming so‘mga;
• Toshkent – Navoiy 277 ming so‘mdan 297 ming so‘mga;
• Toshkent – Qarshi 277 ming so‘mdan 297 ming so‘mga;
• Toshkent – Termiz 335 ming so‘mdan 360 ming so‘mga;
• Toshkent – Namangan 277 ming so‘mdan 297 ming so‘mga;
• Toshkent – Farg‘ona 277 ming so‘mdan 297 ming so‘mga;
• Toshkent – Urganch 437 ming so‘mdan 469 ming so‘mga;
• Toshkent – Qo‘qon 277 ming so‘mdan 297 ming so‘mga;
• Toshkent – Andijon 306 ming so‘mdan 328 ming so‘mga;
• Toshkent – Sariosiyo 393 ming so‘mdan 422 ming so‘mga;
• Toshkent – Zomin 117 ming so‘mdan 125 ming so‘mga;
• Toshkent – Shahrisabz 277 ming so‘mdan 297 ming so‘mga;
• Nukus – Mo‘ynoq 117 ming so‘mdan 125 ming so‘mga.

«Narxlar bir tomonga hisoblangan. Sayohatlaringizni rejalashtirishda ushbu o‘zgarishlarni hisobga olishingizni tavsiya etamiz. Aviachiptalarni silk-avia.com saytida, mamlakatning barcha aeroportlarida va Uzbekistan Airways Sales filialida xarid qilishingiz mumkin», deyiladi kompaniya xabarida.

Silk Avia — Uzbekistan Airports tomonidan tashkil etilgan loukoster aviakompaniya bo‘lib, parvozlarini 2023 yil 25 apreldan boshlagan. 2023 yil oktyabr oyida prezident qarori bilan kompaniya brendi saqlab qolingan holda Uzbekistan Airways tarkibiga o‘tkazilgan.