Qozondagi BRIKS sammiti doirasida Xitoy raisi Si Szinpin va Hindiston bosh vaziri Narendra Modi o‘rtasida ikki tomonlama uchrashuv bo‘lib o‘tdi, deb xabar bermoqda Hindustan Times. Bu Hindistonning Mahabalipuram shahrida, Sharqiy Ladaxda Hindiston va Xitoy o‘rtasidagi chegara mojarosi avj olishidan bir necha oy oldin muzokaralar bo‘lib o‘tgan 2019 yildan beri yetakchilar o‘rtasidagi birinchi uchrashuvdir.
2020 yilda mamlakatlar o‘rtasidagi hududiy kelishmovchilik har ikki tomondan harbiy xizmatchilarning o‘limiga sabab bo‘lgan to‘qnashuvlarga olib keldi. Shu fonda Hindiston Xitoy bilan chegarasiga rekord miqdordagi askar joylashtirdi.
Ikki tomon yaqinda Ladaxdagi Haqiqiy nazorat chizig‘i bo‘ylab patrul qilish bo‘yicha kelishuvga erishdi, bu esa qo‘shinlarni ajratish va keskinlikni kamaytirishga yordam beradi. Ommaviy axborot vositalari ushbu kelishuv ikki davlat rahbarlarining sammitda uchrashishi uchun sharoit yaratganini ta’kidlamoqda.
Qozonda Vladimir Putin raisligida BRIKS 16-sammitining kengaytirilgan yig‘ilishi bo‘lib o‘tdi. Yig‘ilishda ilk bor assosiasiyaning yangi a’zolari – Misr, Efiopiya, Eron va yanvar oyida ittifoqqa rasman qo‘shilgan BAA rahbarlari ishtirok etdi.
Sammitda 22 davlat rahbari va olti xalqaro tashkilot rahbari, jumladan, BMT Bosh kotibi Antoniu Guterrish ishtirok etmoqda.
