Shveysariya hukumati ag‘darilgan Venesuela rahbari Nikolas Maduro va uning yaqin sheriklariga tegishli barcha aktivlarni “darhol kuchga kirishi bilan” to‘rt yillik ehtiyot chorasi sifatida muzlatish qarorini qabul qildi. Hujjatda aniq miqdor ko‘rsatilmagan va hozirgi kunda Shveysariyada barcha aktivlar mavjudligi tasdiqlanmagan. Bu haqda Euronews xabar qilmoqda.
Federal Kengash bayonotida aytilganidek, qaror “hozirgi vaziyatda noqonuniy ravishda qo‘lga kiritilgan har qanday aktivlarni Shveysariyadan tashqariga chiqarilmasligini ta’minlash” maqsadida qabul qilingan. Ushbu muzlatish amaldagi Venesuela hukumati a’zolariga ta’sir qilmaydi, lekin kelajakdagi sud jarayonlarida aktivlarning noqonuniy olinganligi aniqlansa, Shveysariya ularning Venesuela xalqiga foyda keltirishiga harakat qiladi.
Shveysariya 2018 yildan beri Venesuelaga qarshi sanksiyalarni joriy qilgan, AQSH, Kanada va Yevropa Ittifoqi esa 2017 yildan beri Karakas bilan savdo qilishga sanksiyalar qo‘llagan.
Xoin tan soqchi 50 million dollar olishi mumkin
Maduroning o‘g‘li otasining o‘g‘irlab ketilishidan so‘ng unga murojaat qildi
Venesuela mudofaa vaziri Vladimir Podrino Lopes videomurojaat yo‘lladi
