Sholsning kanslerlikka nomzodi ko‘rsatildi

Germaniya Sosial-demokratik partiyasi boshqaruvi bir ovozdan amaldagi kansler Olaf Sholsni ikkinchi muddatga ko‘rsatishga qaror qildi.

Bu haqda N-Tv telekanali xabar berdi.

"SPD kengashi bir ovozdan Sholsni kansler lavozimiga nomzod sifatida ko‘rsatdi", deb xabar berdi telekanal.

Mamlakat mudofaa vaziri Boris Pistorius partiyadan kanslerlikka nomzod bo‘lish uchun kurashdan voz kechdi. O‘tgan seshanba kuni nashr SPDdagi manbalarga tayanib, partiyada Sholsning ikkinchi muddatga nomzodligiga qarshi norozilik namoyishi boshlanganini xabar qildi. Shols avvalroq o‘z nomzodini qo‘yish niyatini bir necha bor e’lon qilgan edi.