16 iyun kuni Kiyevga tashrif buyurgan YEI yetakchilari — Fransiya prezidenti Emmanuel Makron, Germaniya kansleri Olaf Shols va Italiya bosh vaziri Mario Dragi, Die Welt nashriga ko‘ra, ehtimol "yopiq eshiklar ortida" Ukraina prezidenti Vladimir Zelenskiyni Rossiya Federasiyasi rahbari Vladimir Putin bilan muzokara stoliga o‘tirishga chaqirgan.
"Urush tufayli ularning mamlakatlari ko‘rayotgan iqtisodiy zararni qoplash tobora qiyinlashib bormoqda. Iqtisodiy o‘sish keskin pasaydi, inflyasiya rekord darajaga yetdi", — deya izoh beradi nashr Yevropa yetakchilarining pozisiyasini baholarkan.
