Shimoliy Koreyaning Rossiyadagi qo‘shinlari «juda xavotirli»

Germaniya kansleri Olaf Shols Shimoliy Koreya qo‘shinlarining Rossiyaga yuborilishi haqidagi xabarlar «juda xavotirli» ekanini aytdi.

«Buni e’tiborsiz qoldirib bo‘lmaydi», dedi Shols Hindistonga safari chog‘ida OAVga - «Bu, albatta, vaziyatni yanada keskinlashtiradigan narsa.»

Kanslerning aytishicha, bu harakat Rossiya prezidenti Vladimir Putinning og‘ir ahvolda ekanini ko‘rsatadi.

Bu, shuningdek, adolatli tinchlikka intilishni davom ettirish va Ukrainani «qat’iy, ishonchli» qo‘llab-quvvatlash uchun sababdir, dedi Shols.

Avvalroq Ukraina prezidenti Vladimir Zelenskiy Rossiya dam olish kunlaridanoq Shimoliy Koreya askarlarini joylashtirishni boshlashini kutayotganini aytgandi.