Shimoliy Koreya armiyasi uchun kadrlar tayyorlaydigan harbiy ta’lim xodimlari Rossiyaga tashrif buyurishadi, deb xabar bermoqda Koreya markaziy telegraf agentligi (KCNA).
Kim Ir Sen nomidagi harbiy universitet vakillaridan iborat delegasiya 9 iyul kuni Pxenyandan jo‘nab ketdi. Uni universitet rektori Kim Kum Chol boshqaradi.
Kreml Shimoliy Koreya harbiy kursantlari va ularning o‘qituvchilarining Rossiyaga kelishiga izoh berishdan bosh tortdi. Prezident matbuot kotibi Dmitriy Peskov bu mavzu Mudofaa vazirligiga tegishli ekanligini aytdi va odamlarni u yerga murojaat qilishga chaqirdi.
Kim Ir Sen nomidagi harbiy universitet Koreya urushi davrida (1950–1953) tashkil etilgan. Bu KXDRdagi eng mashhur harbiy akademiya.