O‘tgan yildan beri Shimoliy Koreya Ukrainadagi urushni qo‘llab-quvvatlash uchun Rossiyaga 7000 ga yaqin konteyner o‘q-dorilar va boshqa harbiy texnika jo‘natgan, dedi dushanba kuni Janubiy Koreya mudofaa vaziri Shin Von-Sik.
Janubiy Koreya rasmiylari va xususiy ekspertlarning fikricha, buning evaziga Shimoliy Koreya juda zarur oziq-ovqat va iqtisodiy yordam, shuningdek, Kim Chen In kuchlarini kuchaytirishga qaratilgan harbiy yordam olgan bo‘lishi mumkin. Moskva ham, Pxenyan ham mamlakatlar o‘rtasida qurol-yarog‘ savdosi bo‘yicha kelishuv mavjudligini rad etadi, deya qayd etadi jurnalistlar.
