SHAS partiyasi Isroil hukumatini tark etishga qaror qildi

SHAS partiyasi Quddusda bo‘lib o‘tgan Tavrot ulamolari kengashi yig‘ilishidan so‘ng Isroil hukumatidan chiqishini e’lon qildi.

Bu haqda The Times of Israel nashri xabar bermoqda.

Shu bilan birga, partiya Bosh vazir Netanyaxu koalisiyasining bir qismi bo‘lib qolmoqda va saylovlarni talab qilmayapti. Bugun SHAS vazirlari iste’foga chiqishi kutilmoqda.

Partiya bayonotida Tavrot ulamolari maqomiga jiddiy va qabul qilib bo‘lmaydigan darajada putur yetkazilishi haqida so‘z bordi, shu sababli hukumatda keyingi ishtirokni muhokama qilish uchun kengash chaqirildi.