Saudiyaliklar "Barselona" yosh yulduzi uchun Vinisius bilan bir xil maosh to‘lashga tayyor

Transfer huquqlari "Barselona"ga tegishli bo‘lgan ispaniyalik yarim himoyachi Pedriga Saudiya Arabistoni chempionati klublari qiziqish bildirmoqda. Bu haqda Sport.es portali jurnalistlariga ma’lum bo‘ldi.

Saudiya klublari yarim himoyachiga "Real Madrid"ning braziliyalik hujumchisi Vinisius Junior olishi mumkin bo‘lgan darajada maosh taklif qilishga tayyor. Potensial maosh 350 million yevroni tashkil qiladi.

"Barselona" o‘z navbatida Pedrini sotishni rejalashtirmayapti va u bilan hamkorlikni uzaytirmoqchi. Yarim himoyachining "blaugrana" bilan amaldagi shartnomasi 2026 yilning yozida yakuniga yetadi.