Saudiya Arabistonidagi aviabazaga hujum: Italiya qiruvchisi zarar ko‘rdi

Saudiya Arabistonidagi Toif aviabazasiga qilingan hujum oqibatida Italiyaga tegishli Eurofighter F-2000 qiruvchi samolyoti zararlandi.

Bu haqda Italiya mudofaa vaziri Guido Krozetto ma’lum qildi.

«Hujum vaqtida bazaning chekka qismida turgan Italiyaning F-2000 samolyotiga shikast yetdi. Harbiylarimiz foydalanayotgan boshqa texnika yoki infratuzilma ob’ektlariga zarar yetmagan», — deyiladi vazirlik bayonotida.

Krozettoning ta’kidlashicha, Toif aviabazasida Italiya harbiy xizmatchilari ham bor. Hujum oqibatida ulardan hech biri jabrlanmagan.

Vazir, shuningdek, harbiy personalni himoya qilish maqsadida xavfsizlik choralari oldindan kuchaytirilganini bildirdi.