Kambag‘allikni qisqartirish va bandlik vazirligi, Tashqi mehnat migrasiyasi agentligi delegasiyasi ish beruvchilar bilan muzokaralar o‘tkazish maqsadida Saudiya Arabistonida bo‘ldi.
Delegasiya a’zolari Ar-Riyod shahrida ko‘plab salohiyatli ish beruvchilar bilan muzokaralar o‘tkazdi. Natijada o‘zbekistonlik malakali mutaxassislarni tibbiyot, xizmat ko‘rsatish, IT va ishlab chiqarish sohalarida vaqtinchalik mehnat faoliyatini amalga oshirish uchun jalb qilishga kelishib olindi.
Shuningdek, fuqarolar Saudiya Arabistoniga ishga ketishidan oldin ushbu davlat standartlari asosida o‘qitilishi alohida ta’kidlandi.
