Turkiya va O‘zbekiston o‘rtasidagi aviaqatnovlar sonini oshirish va yangi yo‘nalishlar ochish bo‘yicha erishilgan kelishuvga asosan Uzbekistan Airways aviakompaniyasi Toshkent–Anqara–Toshkent yo‘nalishida muntazam qatnovlarni yo‘lga qo‘yadi.
Aviakompaniya qishki mavsumda ushbu yo‘nalishda haftasiga bir marotaba parvozni amalga oshiradi.
O‘zbekiston va Turkiya o‘rtasidagi fuqaro aviasiyasi sohasida hamkorlikni yanada rivojlantirish maqsadida 15–16 iyun kunlari Istanbul shahrida bo‘lib o‘tgan ikki davlat aviasiya ma’muriyatlari uchrashuvida shu to‘g‘rida kelishuvga erishilgan edi.
